काठमाडौं । उच्च अदालत पाटनले प्रदर्शनको लागि बाटो खुला गरेपछि फिल्म ‘लालीबजार’ शुक्रबारदेखि देशब्यापी रिलिज हुने भएको छ । निर्माता म्याक्स दिपेश खत्रीका अनुसार फिल्मलाई बिहिबार प्रिमियर गर्ने तयारी छ ।
मुलुकभरका हलले यम थापा निर्देशित फिल्मको एड्भान्स बुकिङ खुला गरेका छन् । शुक्रबार लालीबजारसहित ५ फिल्म रिलिज हुने तय भएको छ ।
स्वस्तिमा खड्का स्टारर फिल्मले वादी समुदायको एक आमाको संघर्षको कथा भन्छ । कानूनी अड्चन हटे लगत्तै निर्माता फिल्मको रिलिजमा जुटेका हुन् । यसअघि १८ बैशाखदेखि फिल्म रिलिज तयारीमा थियो ।
यो फिल्मलाई यसअघि नै केन्द्रीय चलचित्र जाँच समितिले युनिभर्सल प्रमाणपत्र दिइसकेको छ ।
