काठमाडौं । प्रधानमन्त्री वालेन्द्र शाहले प्रहरी अनुसन्धानलाई निष्पक्ष, वैज्ञानिक र प्रभावकारी बनाउन सूचना प्रविधिको सदुपयोग गर्न प्रहरी निरीक्षकहरूलाई निर्देशन दिनुभएको छ ।
राष्ट्रिय प्रहरी प्रशिक्षण प्रतिष्ठान, महाराजगन्जमा सोमबार प्रहरी निरीक्षक आधारभूत तालिमको १८४औँ समूहको दीक्षान्त समारोहलाई सम्बोधन गर्दै उहाँले प्रहरी सेवालाई पारदर्शी र विश्वसनीय बनाउन प्रविधिको प्रयोग आवश्यक रहेको बताउनुभयो ।प्रधानमन्त्री शाहले प्रहरी अधिकारीहरूलाई नैतिकता, निष्ठा र इमानदारी कायम राख्दै कुनै पनि दबाब वा प्रभावमा नपरी कानुनअनुसार काम गर्न आग्रह गर्नुभयो । उहाँले नागरिकको अधिकारको रक्षा, शान्ति सुरक्षा कायम र अपराध अनुसन्धानमा व्यावसायिकता तथा जवाफदेहिता प्रदर्शन गर्नुपर्नेमा जोड दिनुभयो ।
प्रहरी अनुसन्धानलाई समयानुकूल र परिणाममुखी बनाउन सरकारले आवश्यक स्रोतसाधन उपलब्ध गराउने प्रतिबद्धता पनि उहाँले व्यक्त गर्नुभयो ।
